أعظم حب

بسم الله الرحمن الرحيم
السلام عليكم ورحمة الله وبركاته

من يومين وأنا يالسة على التلفزيون

كنت حاطه قناة البدايه

كانوا عارضين محاضره في أحد مراكز الكويت ضمن مشروع درر في حملة أعظم حب (( عملي الصالح .. دليل حبي ))

حبنا لمن !!

لله عز وجل

ما لحقت على بداية المحاضره .. بس أول ما حطيته كان الدكتور فهد الثويني يتكلم عن قصه صارت معاهم

كانوا يصلون المغرب وعلى بعد منهم رجل وامرأه يلعبون مع كلب
وهم يصلون .. ترك الكلب أصحابه ووقف عند رجله وهو يئم الصلاه بدون ما يلهث أو يصدر أي صوت .. وتم يطالعهم في خشوع يسمع لآيات الرحمن .. سبحان الله

وعقبها ذكر قصه ثانيه عن وحده أيضاً وقفت تسمع للآيات وهم يصلون ودموعها على خدها بدون ما تفهم الآيات

فيوم عطوا المجال للشيخ نبيل العوضي يعلق على القصه

الكل يعرف اسلوبه في الالقاء

وهو يتكلم يقرأ بعض الآيات .. في هاللحظات كان عندي واحد حشششششره .. حاشرني بصوته .. وا وا وااااا .. مممممممم ... بوووو

عبدالله ملان ومحتشر ويتحرطم وماعرف شو يقول

أول ما قرا الشيخ نبيل الآيه .. سكت !! ويوم صديت صوبه ولا وهو مركز على الشاشه .. وسااااااااااااكت يطالع الشيخ وهو يقرا آيات الرحمن !!

سبحان الله ..

استغرررربت من ردت فعله .. وقلت في نفسي .. سبحان الله ..

سبحان من أسكت هالطفل وجعله خاشع لآياته
سبحان من إستوقف الكلب وجعله خاشع لآياته
سبحان من أبكى المرأة النصرانيه وجعلها تذرف الدموع لسماعها لآياته

قبل ما يختم ذكر الدكتور فهد الثويني 5 نقاط مهمه
أعتز بإسلامي
وأحيي سنة نبيي صلى الله عليه وسلم
أحدد مساري الى الجنه
وأستثمر خيرات أرضي
وأعمر وطني
ياريت الكل ينتبه له ويخليه في باله من اليوم

للي حاب يشوف المحاضره على الرابط التالي .. (( ترى المحاضره كشششخه ))

http://durar.org/video/SOQ_SHRQ_2008.wmv

وهذي باقي المحاضرات

http://www.durar.org/index.php?p=30

عقبال مايسوون عندنا مثل هالحملات التوعويه اللي اتجدد ايمان الناس وتقويه

والحمد لله ان مازال في الدنيا خير

في نهاية المحاضره كانوا حاطين نشيدة درر للمبدع حمود خضر

أول مره سمعته في مدونة مستر مطوع وعيبتني وايد

وما كنت أعرف ان من ضمن فعاليات درر

تقدرون اتنزلونه من هني

http://www.fawakh.net/vb/t21993.html#post262001

والسموحه